¡Hei pwantso!

Condenado a un ano de cadea por vender un porro e porque foron magnánimos xa que a fiscalía pedía inicialmente dous anos e nove meses de cárcel por tráfico de drogas.
Custos do xuizo de tan perigoso delito:
Xuíz, fiscal e advogado defensor
Procurador, oficiais de xustiza e policías.
Peritos para análise e testemuña en xuízo.
Mínimo pagar a 10 persoas para tratar da venda dun canuto. Carallo, sobran os cartos!!!
As multinacionais farmacéuticas venden drogas sin efectos terapéuticos ou con efectos secundarios, gañan montes de diñeiro con iso e non van presos por iso.
O Estado di que o tabaco mata pero véndeo.
Chegados a este punto pódese decir, por boca do Estado (Goberno de turno), que algunhas drogas legais poden producir dano físico ou psíquico muito maior que o que pode producir un porro.
¡Que alguén os leve aos tribunais!
Pido un día por cigarro ou por pastilla vendida.
Total: 1.ooo.ooo.ooo.ooo.ooo.ooo.ooo.ooo.ooo ou máis días de cadea.
¡Que comence o proceso, xa!

Por este recanto non pasa ninghén, ¡kaghen’ninghén!, por iso tómome máis licencias que copas nun sábado de xoldra. O que non ghoste que fique calado, ¡kaghen’ninghén!, ou que patee un bocadiño porque máis non vai sacar disto. O mel non está feito para a boca do burro, ¡kaghen’ninghén!, e isto non merece que perdas o teu tempiño, a calidade aquí non é precisa, ¡kaghen’ninghén!, só se trata de desbarrar contra todo e contra calqueira, ¡kaghen’ninghén!

Non son partidario, se me apupan comportareime como ácrata, ¡kaghen’ninghén!
Irei contra bancos, multinacionais, especuladores (¿non é todo o mesmo?), contra reis e presidentes, contra calquer forma de relixión ou sindicato, contra todo abusador, aproveitado ou comenencias, ¡kaghen’ninghén! Nin deus, nin patria, nin rei, ¡kaghen’ninghén!

Estou a favor da vida, da beleza, do coñecimento, do sorriso de nenos e vellos.
Gosto da brisa na faciana, a chuva na fiestra e do brillo do sol entre as polas.
Quero un mundo onde a terra e os seus habitantes, todos, ¡kaghen’ninghén!, podan vivir nas millores condicións posíveis para o seu desenvolvimento en libertade.

O caos pode ser a forma máis perfecta de orden, ¡kaghen’ninghén!

¡Abaixo os discursos e as suas declaracións de intencións! ¡kaghen’ninghén!